قصيدة يـا العقـل فيـش اتـقـول

يـا العقـل فيـش اتـقـول ..... نشدتك القيتك كي اللي مشغول ..... تيــــار واخـــــــذك
يـا العقـل فـيـش اتـخـرف ... كنـك مقحـز لاوراء ومـطـرف
الدنيا تواطي بـو مقـام يشـرف ... وتخرج اللي عنده ثـلاث عقـول
يـا العـقـل خـلـك زاهــي ... وخرف مع الجيران واشرب شاهي
حتي و المشاكل دايرات جباهـي ...واجدات ومعانـا خـذن مشتـول
الدنيـا امتـاع الله واسـمـاالله ... ماعـاد نلقـو للشكـال احلـول
ولا ع الخطاء و العيب واحد ناهي ... وتم اخيار النـاس مـو مقبـول
يـا العـقـل عـطـاك قــوم ... ما نحسبك تبقـي رقيـق عـزوم
تحساب الزهاء و العز ريد يـدوم ... وهاذول ديمه فـي حبـا هـاذول
ولاتسوقها ظالـم معـا مظلـوم ... الناس تختلف في لصل و المفعول
و اليوم في مكانه كل حد مفهـوم ... فيه ناس روس وفيه ناس اذيول
يــا لعـقـل حــط وريــح ... وابسط وهدرز كي الناس وزيـح
الدنيا تعلي فـي البنـاء وتطيـح ... تزرع معـاك وتاخـذ المحصـول
عارفينـه حملـك ثقيـل اميـح ... وفوقه صلايب من اخلاف احيـول
يـا العـقـل كــون شجـيـع ...واصبر علي ما جاك من تلويـع
را الدهر مو ديمه زهـاء وربيـع ... لاسبد من كونـه يكـون ملـول
واصبر الحكـم الله حكمـه طيـع ... ولايكون رايك كيـف راي الـزول
يالعـقـل فـيــش تـفـكـر ... القيتك تخمم كـي اللـي متسكـر
لاتشـك ع الدنـيـا ولا تعـكـر ... اشرب امويه كي النـاس وكـول
وين لولين وهلـك غيـر اذكـر ... فنوا من لوجود وكل حي يـزول
يـالـعـقــل لا تــكـــدر ... انريدك تساعد و الظروف تقـدر
بلاقوم عمـرك قـوم لا تصـدر ... هناك من الفراسه ما تجي ميمول
ولا تعابي الخايب ان جاء يـزدر ... اللي من خلقنـا خالقـه مهبـول
قدام العرب يقبى امغيـر ايهـدر ... ووين ما نظر حزاز يبقـى غـول
يـا العقـل قيـسـك فـاضـي ... كان يتبعوني راك قاعـد فاضـي
قابيتني تمـن ارقـاق غراضـي ... علي اكتوفنا حط الزمان احمـول
واللي يديرها مولاي بيها راضـي ... سواء في زهاء والله نكاد وهـول